धरमरमा देखिन्छन् लगानीकर्ता

अमेरिका
अगस्ट १४, २०२५

बिहीबार अमेरिकी सेयर बजारका प्रमुख सूचकहरू दिनभरि उतारचढावमा रहे।

Dow Jones Industrial Average सानो गिरावटसहित बन्द भयो, जबकि S&P 500 अलिकति मात्र बढेर लगातार तेस्रो दिनको रेकर्ड उच्चतामा पुगेको छ। टेक कम्पनीहरूको प्रभुत्व भएको Nasdaq Composite भने आफ्नो रेकर्ड नजिकै तर अलिकति तल बन्द भयो।

जुलाईको PPI महँगाइ दर ०.९% ले बढ्यो, जुन विश्लेषकहरूको ०.२% को अनुमानभन्दा धेरै माथि हो। वार्षिक आधारमा, मूल्य ३.३% ले बढेको छ, जुन फेब्रुअरीयताको उच्च हो। खाना र ऊर्जा खर्च बाहेकको “कोर” उत्पादक मूल्य तीन वर्षयताको सबैभन्दा ठूलो वृद्धि भएको देखिएको छ।

बिहीबारको बजार स्थितिः

S&P 500: १.९६ अंक (०.१% भन्दा कम) बढेर ६,४६८.५४ मा पुगेको
Dow Jones: ११.०१ अंक (०.१% भन्दा कम) घटेर ४४,९११.२६ मा पुगेको
Nasdaq: २.४७ अंक (०.१% भन्दा कम) घटेर २१,७१०.६७ मा पुगेको
Russell: २८.९८ अंक (१.२%) घटेर २,२९९.०८ मा पुगेको

यस साताको प्रदर्शनः

S&P 500: ७९.०९ अंक (१.२%) बढ्यो
Dow Jones: ७३५.६५ अंक (१.७%) बढ्यो
Nasdaq: २६०.६५ अंक (१.२%) बढ्यो
Russell: ८०.६६ अंक (३.६%) बढ्यो

यस वर्षको प्रदर्शनः

S&P 500: ५८६.९१ अंक (१०%) बढेको
Dow Jones: २,३६७.०४ अंक (५.६%) बढेको
Nasdaq: २,३९९.८८ अंक (१२.४%) बढेको
Russell: ६८.९२ अंक (३.१%) बढेको

यसैबीच, ट्रम्प प्रशासन इन्टेलमा अमेरिकी सरकारले सम्भावित रूपमा हिस्सा लिन सक्नेबारे छलफल गरिरहेको ब्लूमबर्ग न्यूजले बिहीबार आफ्ना स्रोतहरूलाई उद्धृत गर्दै जनाएको छ।

यस समाचारपछि कम्पनीको सेयर करिब १०% ले बढेको छ।

यो योजना यसै हप्ता राष्ट्रपति डोनाल्ड ट्रम्प र इन्टेलका प्रमुख कार्यकारी अधिकृत लिप-बु टानबीच भएको भेटवार्ताबाट आएको बताइएको छ।

यस विषयमा व्हाइट हाउस र इन्टेल दुवैले तत्काल प्रतिक्रिया दिएका छैनन्।